Mwakamo Aridhishwa na Matumizi ya Fedha

Posted on: December 3rd, 2020

MWAKAMO ARIDHISHWA NA MATUMIZI YA FEDHA

Mbunge wa jimbo la Kibaha Vijijini Mkoa wa Pwani Michael Mwakamo ,amefanya ziara ya kukagua matumizi ya Tsh Milioni 68 zilizochangishwa na Rais Dkt John Magufuli katika Kijiji cha  Soga.

Ikiwa ni ziara yake ya kwanza jimboni hapo, alijionea matumizi mazuri ya fedha alizochangisha Rais Magufuli alipopita kijijini hapo miezi michache iliyopita akitokea kwenye ziara ya kukagua mradi  wa ujenzi wa wa reli ya kisasa ya SGR inayopita Soga.

Akiwa Shuleni hapo alipokelewa na mwalimu mkuu msaidizi Catherine Mganga  na Mwenyekiti wa Kijiji Fadhili Lihamba aliyemwelezea Rais uwepo wa changamoto katika shule hiyo,ambapo alikagua majengo hayo kabla ya kuzungumza na viongozi na walimu hao.

Alisema hana budi kufuatilia maagizo anayoyatoa ikiwemo fedha anazozichangisha au kuzipeleka katika miradi mbalimbali ,ili kujiridhisha na matumizi yake ndiyo maana ziara yake ya kwanza akaanzia Soga.

“Mbunge wenu nimeamua kufanya ziara yangu ya kwanza toka niapishwe kushika wadhifa huu kuja kukagua matumizi yay a fedha zilizochangishwa na Rais Magufuli , niseme nimeridhishwa na matumizi yake ,majengo yamekidhi viwango hongereni sana “alisema Mwakamo.

Aliwataka mafundi kuhakikisha kwamba ukarabati huo wa vyumba uende sambamba na ukarabati wa sakafu..

Kwa Upande wa Lihamba alimshukuru ,Rais Magufuli kwa kuguswa na changamoto ya uchakavu wa  vyumba hivyo  kwamba shule hiyo sasa inapendeza .