Wanakikundi cha Wisdom Wamemshukuru Rais wa Jamhuri ya Muungano wa Tanzania Dkt.Samia Suluhu Hassan kwa Kuwawezesha Kupata Mkopo kwa Ajili ya Ufugaji wa Samaki

Posted on: August 2nd, 2023

Wanakikundi cha wisdom  wamemshukuru Mhe. Samia Suluhu Hassan Rais wa Tanzania kwa kuwazesha kupata mkopo wa asilimia kumi  uliowawezesha kuchimba mabwawa ya samaki na kuanza ufugaji wa samaki.Wajasiriamalia hao wadogo wadogo wameyasema hayo kwenye maonyesho ya nane nane Kanda ya mashariki yanayofanyika Mkoani Morogoro."Tunamshukuru sana Mhe. Samia Suluhu Hassan Rais wa Tanzania kwa kutupatia mkopo wa milion 7 kupitia Halmashauri ya Wilaya ya Kibaha. Mkopo huo umetusaidia kutuinua kiuchumi kwani tunafuga samaki aina ya Sato. Tunawakaribisha watu wote waje kwenye banda la Halmashauri ya Wilaya ya Kibaha Kuja kujifunza ufugaji wa samaki " alisema Oliver mwanakikundi cha wisdom  kutoka Mlandizi.